الماتى قالاسى اكىمدىگىنىڭ ءباسپاسوز ورتالىعىندا وتكەن بريفينگتە الماتى قالاسىن دامىتۋ ورتالىعىنىڭ وكىلدەرى قالالىق اكىمدىكتىڭ قولداۋىمەن Almaty SmartCity Challenge حاكاتونى قالالىق جارىستى باستايتىندىعىن مالىمدەدى.
5-6 قازاندا وتەتىن Q-Lab قالالىق جوبالار زەرتحاناسىندا (اباي داڭع.,90) باعدارلامالىق ونىمدەردى وتاندىق ازىرلەۋشىلەر جاڭا تسيفرلىق سەرۆيستەر مەن ونىمدەردى ازىرلەۋ جانە تانىستىرۋ ماقساتىندا كوماندا جاساقتالادى.
يدەيادان پروتوتيپكە دەيىنگى ۋاقىت ءبىر تاۋلىكتى قۇرايدى. جۇلدە قورى 3 ملن تەڭگە كولەمىندە. قاتىسۋشىلار الماتى قالاسىنىڭ باسشىلىعىنا جانە جەتەكشى ساراپشىلارعا جاڭا تسيفرلىق سەرۆيستەر مەن ونىمدەردى تانىستىرادى. 18 قىركۇيەكتەن 3 قازانعا دەيىن كوماندالاردان وتىنىمدەر قابىلدانادى, ياعني كوماندانىڭ ءاربىر مۇشەسى تىركەۋدەن ءوتۋى ءتيىس.
حاكاتوننىڭ ءبىرىنشى كۇنى كوماندالار قۇرىلىپ, يدەيالار پيتچينگىمەن, مەنتورلار جانە قازىلار القاسىمەن تانىسۋدان باستالادى. ولاردىڭ قۇرامىندا ساراپشىلار, كاسىپكەرلەر مەن وتاندىق كومپانيالاردىڭ باسشىلارى بار. سونداي-اق قاتىسۋشىلار ەكولوگيا, ترافيك جانە كەپتەلىس, كرەاتيۆتى ەكونوميكا, مەديتسينا, قاۋىپسىزدىك, قوعامدىق كولىك, ءبىلىم جانە تكش تاقىرىپتارى بويىنشا تاپسىرمالار الادى.
حاكاتوننىڭ سوڭعى كۇنى كوماندالار پروتوتيپتەرىمەن قازىلار القاسى تانىسادى. بارلىق قاتىسۋشىعا سەرتيفيكاتتار بەرىلىپ, جەڭىمپازدار اكىمنىڭ اقشالاي سىيلىعىن: ءبىرىنشى ورىن - 1,5 ملن تەڭگە, ەكىنشى ورىن - 1 ملن تەڭگە, ءۇشىنشى ورىن العاندار 500 مىڭ تەڭگە الادى. قازىلار القاسى جوبانىڭ يدەياسى, ونى ىسكە اسىرۋ, ىلەسپە ماتەريالدارعا نازار اۋدارادى. باستى تالاپ بويىنشا جوبا حاكاتوندا ازىرلەنىپ, تىڭ ۇسىنىس رەتىندە قاتىسۋشىلاردىڭ بۇعان دەيىنگى جوبالارىن قايتالاماۋى شارت.
الماتى